2025

ތަޤުވާގެ މަގުގައި ކުރިއަރައިދާން ލިބި މި އޮތް ފަހި މަގު ބަލައި ވަގުތާ އެކީ ހުރުމަތްތެރިވި ފުރުސަތު ނުދޫކޮށް ހޯދަމާ 

ރަމަޟާން ކަރީމުގެ މާތް ޝަރަފު ހިތުގައި ތަސައްވުރު ކޮށްލަމާ ޢަމަލާ ބަހުން އެދިގެން ސަވާބަށް ހެޔޮ ޢަމަލު ގިނަ ކޮށްލަމާ

ބަރަކާތްތެރިވި ރަމަޟާން އިއާދަ ކުރައްވަވާށިއެ އަޅަމެނަށް ބަރަކާތް ސަވާބާ ރަޙުމަތަށް މަގު ފަހި ވެދާށިއެ ދާއިމަށް 

ހިތްވަރާ އަޒުމުގެ ނަމޫނާ މާތް ދަރީންނެއް ހުސް ނުވާނެ ބިންގަލާ އެއްކޮށް މި ގައުމުގެ އަގުތަކެއް ވިކިގެން ނުދާނެ

ތިމާ ބޭނުން ކަމެއް ނޫނީ ތިމާގެ ޚިޔާލުގައި ނެތުމުން ދިމާއަށް އަނެކުނަށް ނުބަލައި އުޅޭނޭ ހެޔޮ ނުބައި އޮޅުމުން

ހަރުލަކުޑި ވެސް ފީވެއޭ ދިގު އުމުރު ވެސް ނިމިގެންދެއޭ މަރު އައިސް ބައްދަލުވެ މީހާ ދުނިޔެއާ ވަކިކޮށްލައޭ

ކޮންމެ ދަތުރެއްގައި ވަނީ މުހުތާދުތައް އެކި ހިމެނިފައި އޮންނަ އެދުމީ ފުދެވުމޭ ބޭނުން އެކީ ހާސިލުވެފައި 

ކޮންމެ ދިރުމެއްގައި ވަނީ މަތިވެރި އުލާހުގެ ޤުދުރަތޭ ކޮންމެ ކަމަކަށް ވަންތަ ކުޅަދުން ކަމުގެ މާތްވި ޢަލާމަތޭ

ސަގަފީ ރީތި އާދަތަކަށް ދިރުން  ދިނުމީ ރަނގަޅު ކަމެކޭ ސަގާފަތް ހެޔޮ މަގުން ކުރިއަރުވަމުން ދިއުމީ އެދޭ ކަމެކޭ