މާޅޮހުން އުފަލުގައި މަރުހަބާ މިއަދު ދަންނަވައިލަމޭ
ލޮބުވަތައި ތިބީމޭ ހެޔޮ ހިތުން ޝުކުރު ޚާއްސަކުރީމޭ
ވަޑައިގަތުމުން އުފަލޭ ވަޑައިގަތުމުން އުފަލޭ
ވެދުން ކުރީ ހެޔޮހާ އެދުމޭ
ވަޑައިގަތުމުން އުފަލޭ ވަޑައިގަތުމުން އުފަލޭ
_
ހިތްތައް ފުރިފައި މި ވަނީ މެހުމާނުންނާ އެކު ވީމާ
ހިތްހަމަޖެހުމޭ ލިބެނީ ޝަރަފެއް ދިޔަފަދަ ދެއްވީމާ
އެދެނީ ގާތްކަން ހިތަށް އިހުސާސްވެ ރޫހަށް ދިރުމޭ
ތެދެކޭ ތިޔައީ ދެވަނަ ބައެއް ނޫނެ ހިތާށޭ
ވަޑައިގަތުމުން އުފަލޭ ވަޑައިގަތުމުން އުފަލޭ
ވެދުން ކުރީހެޔޮހާ އެދުމޭ
ވަޑައިގަތުމުން އުފަލޭ ވަޑައިގަތުމުން އުފަލޭ
_
މާޅޮސް މި ވަނީ މިއަދު ހިތްހަމަޖެހި އަލިވެ އުޖާލާ
މާތައް ހުރިހާ ފޮޅޭ އެއްކޮށްގެން އެކުވެ ގަތައިލާ
ވެދުމަށް އަރުވަން ނުހަނު ލޯތްބާ އެކު މެހުމާނުންނަށް
އެދެނީ ހެޔޮހާ ދުޢާ ފާގަތިކަން އަބަދު އެދޭތީ
ވަޑައިގަތުމުން އުފަލޭ ވަޑައިގަތުމުން އުފަލޭ
_____________
މިއީ، ލިޔުންތެރިންގެ ގުޅުމާއި އއ. މާޅޮހު ކައުންސިލާ ގުޅިގެން އެ ރަށުގައި ފާހަގަކުރި، 2024ވަނަ އަހަރުގެ ޅެންވެރިންގެ ދުވަހުގެ މެހުމާނުންނަށް މަރުހަބާ ދެންނެވުމަށް މާޅޮހު ކައުންސިލުން އެދިވަޑައިގެން ހަދައިދިން ލަވައެކެވެ.
ޚިޔާލު ފޯމު